நாவலோ நாவல் : பைனரி பிரைவேட் லிமிடட்

“எனக்கு பைனரி பிரைவேட் லிமிடடில் வேலை கிடைத்துவிட்டது… feeling excited”

முகநூலில் ஸ்டேடஸ் போட்டு ஒரே மணித்தியாலத்தில் எழுநூறு லைக்குகள். எண்பத்தியேழு வாழ்த்துக்கள். அதில் இருபது போட்டோ கொமேண்டுகள். பின்னே? பன்னிரண்டு வருடமாக ஒரே வேலைக்கு, ஒரே கொம்பனிக்கு இண்டர்வீயூவுக்கு போன, இன்டர்வியூவுக்கு போவதற்காக சம்பளம் வாங்கிய பேர்வழி, திடீரென்று வேலை கிடைத்துவிட்டது என்று ஸ்டேடஸ் போட்டால், லைக் அள்ளுவானா இல்லையா? ஆனால் ஒரேயொரு உறுத்தல் மாத்திரம். மியூச்சுவல் பிரண்ட்ஸ் இல்லாத ஒரு நண்பியிடமிருந்தும் ஒரு கொமெண்ட் வந்திருந்தது.

“ரெஸ்ட் இன் பீஸ்”

யாரென்று கண்டுபிடிக்கவேண்டும்.